नेत्रविक्रम चन्द विप्लव नेतृत्वको नेकपा (माओवादी)ले खद्य अधिकार ग्यारेण्टीको माग सहित धनगढीमा जनप्रदशन गरेको छ । जनप्रदशनपछि एल एन चोकमा भएको कोणसभालाई सम्बोधन गर्दै नेकपा (माओवादी)का केन्द्रिय सदस्य आर पि तिमिल्सेनाले सरकारले जनतालाई राहत दिनुको साटो मुल्यवृद्दि गरेर अन्याय गरेको बताए ।
उनले माओवादी जंगल जाओस भनेर कसैले चाहेको भए त्यो दिवा सपना हुने बताउदै माओवादीले जनताको अधिकारकालागि शहरमै बसेर संघर्ष गर्ने बताए । माओवादीले पुरानो जनयुद्धकालिन लडाई लड्न नचाहेको बताउदै देश भक्त र राष्टवादी शक्तिसंग सहकार्य गर्दै एकिकृत जनक्रान्ति गर्न चाहेको बताए ।
जनताको अधिकारको आन्दोलनलाई कसैले हतियारले दमन गर्न खोजे त्यसका विरूद्ध शशस्त्र प्रतिकार गर्न पछि नपर्ने उद्घोष गरे ।
त्यसै गरी उपभोक्ता हित संरक्षण मञ्च कैलालीका अध्यक्ष हरि रेग्मी बजार अनुगमनका नाममा सरकारले झारा टारिरहेको बताउदै यस्तो नौटङ्कि तत्काल बन्द गर्न आग्रह गरे ।
कालोबजारि, कृत्रिम अभाव र मुल्यवृद्धि गर्ने र गूणस्तरहिन सामाग्री बेचेर जनता ठग्नेलाई कारवाहीको दायरामा ल्याउन सरकारलाई आग्रह गरे ।
त्यसै गरी (माओवादी) कैलालीका कार्यालय सचिब विनोद बिष्टले जनविरोधि कार्यमा संलग्न जोकोहिलाई पनि माओवादीले नछाड्ने बताए । सरकारी निकाय र दलालहरूको मिलेमतोमा कैलालीमा चोरी तस्करी सुदखोर र दलालहरूको जगजगि बढिरहेको बताउदै सरकारले कारवाहि नगरे आफ्नो पार्टीले कारवाही गर्ने बताए ।
